چہرہ اُس دم تن جاتا ہے
منہ بھی عجب سا بن جاتا ہے
جب ہو وہ غصے سے لال
اے سکھی ساجن؟ نا سکھی گال
ء
اپنے یہاں وہ مجھ کو بلائے
سبز مناظر مجھ کو دکھائے
کرے نچھاور ٹھنڈی چھائوں
اے سکھی ساجن؟ نا سکھی گائوں
ء
اُس نے بتایا بھاگ میں کیا ہے
قسمت میں کیا کیا لکھا ہے
جانے میرا سارا حال
اے سکھی ساجن؟ نا سکھی فال
ء
سب کو وہ انصاف سے تولے
کوئی غلط نا اُس کو بولے
ہو نہ کمی بیشی کا امکاں
اے سکھی ساجن؟ نا سکھی میزاں
***