* سارا دن وہ کرے ہنگامہ *
سارا دن وہ کرے ہنگامہ
روز میں دیکھوں اس کا ڈرامہ
کان پھٹے ہوتے ہی بھور
اے سکھی ساجن؟ نا سکھی شور
ء
اُس کے اندر ہے وہ خوبی
بوند کو چھوکر کردے موتی
پانی میں جلے اُس کا دیپ
اے سکھی ساجن؟ نا سکھی سیپ
ء
رستے میں جب وہ آجائے
اپنی جانب مجھ کو گھمائے
راہوں سے ہے اُس کا جوڑ
اے سکھی ساجن؟ نا سکھی موڑ
ء
ٹوٹے پھوٹے اُس کے چھپرّ
بے ڈھنگے سے دیوار و در
اُس کے اندر موج و مستی
اے سکھی ساجن؟ نا سکھی بستی
*** |