اُس کا اثر جب مجھ پر چھایا
خود کو میں نے بہتر پایا
دور اُس نے کی میری سُستی
اے سکھی ساجن؟ نا سکھی چستی
ء
پاس ہے اُس کے مٹی کا گھر
دیکھ کے مجھ کو لگتا ہے ڈر
دیکھوں نا میں اُس کی اُور
اے سکھی ساجن؟ نا سکھی گور
ء
دن بھر کرکے دھینگا مشتی
ہوڑا ہوڑی کشتم کشتی
ہوکے چور لگے وہ بھُرتا
اے سکھی ساجن؟ نا سکھی کرتا
ء
میرا خالی پیٹ وہ بھردے
مجھ کو شکم آسودہ کردے
بھوک سے نکلے جب مری جان
اے سکھی ساجن؟ نا سکھی نان
***