ساری دنیا کو وہ نچائے
محنت و مشکل سے ہاتھ آئے
سمجھو نہ اُس کو ایسا ویسا
اے سکھی ساجن؟ نا سکھی پیسہ
ء
مجھ سے کرے وہ ہردم جھگڑا
خود کو سمجھے مجھ سے تگڑا
چھوڑے نہ وہ میرا دامن
اے سکھی ساجن؟ نا سکھی دشمن
ء
اُس میں کڑواپن بھی پایا
میٹھا پن بھی اُس کا بھایا
اپنی زباں جب اُس نے کھولی
اے سکھی ساجن؟ نا سکھی بولی
ء
سرگم کا جادو وہ جگائے
سحر زدہ مجھ کو کرجائے
جب میں سنوں اُس کی آواز
اے سکھی ساجن؟ نا سکھی ساز
***