* راہِ عمل میں ساتھ رہا وہ *
راہِ عمل میں ساتھ رہا وہ
دل کے ہاتھوں ہاتھ رہا وہ
چھوڑ کے عیش و طرب کی بزم
اے سکھی ساجن؟ نا سکھی عزم
ء
تابِ سماعت اُس کے اندر
اُس کی توجہ ہر آہٹ پر
آوازوں پر رکھے دھیان
اے سکھی ساجن؟ نا سکھی کان
ء
کرکے صبح و شام دھماکہ
شہرِ اماں میں ڈالے ڈاکہ
شور سے اُس کے نکلے دم
اے سکھی ساجن؟ نا سکھی بم
ء
اُس کے آنگن میں ہریالی
لہرائے پھولوں کی ڈالی
کردے تازہ ذہن و دماغ
اے سکھی ساجن؟ نا سکھی باغ
*** |