* پڑتا ہے جب اُس کا سایہ *
پڑتا ہے جب اُس کا سایہ
ہل جاتا ہے عرش کا پایہ
روک سکے کون اُس کی راہ
اے سکھی ساجن؟ نا سکھی آہ
ء
اُس کی فطرت میں ہے روانی
پیدا کردے وہ طغیانی
روکے اُس کو کس کی تاب
اے سکھی ساجن؟ نا سکھی آب
ء
نظمِ حکومت کو وہ پلٹ دے
تختِ شاہی کو بھی الٹ دے
بھڑکے جب وہ بن کے آتش
اے سکھی ساجن؟ نا سکھی سازش
ء
بات کسی کی نا سن پائے
کون بھلا اُس کو سمجھائے
سننے میں کمزور جو ٹھہرا
اے سکھی ساجن؟ نا سکھی بہرا
*** |