* ہوتی ہے جب گولہ باری *
ہوتی ہے جب گولہ باری
مرتی ہے جنتا بے چاری
اُس پر آتا ہے آروپ
اے سکھی ساجن؟ نا سکھی توپ
ء
پڑتا ہے جب پائوں کا دھکّا
چلتا ہے تب اُس کا چکّا
ورنہ اُس کا چلنا مشکل
اے سکھی ساجن؟ نا سکھی سائیکل
ء
چلنے میں وہ خوب مزہ دے
راہ میں اپنے نقش جما دے
دکھلائے اپنا بل بوتا
اے سکھی ساجن؟ نا سکھی جوتا
ء
آئے جب برسات کا موسم
تب وہ دکھائے اپنا دم خم
شور مچائے کرکے بک بک
اے سکھی ساجن؟ نا سکھی مینڈک
*** |