* جل رہی ہے شمعِ دل اور روشنی ملتی نہ *
جل رہی ہے شمعِ دل اور روشنی ملتی نہیں
اس زمانے میں سکوں کی زندگی ملتی نہیں
تازگی پہلے چمن میں تھی جو کانٹوں کو نصیب
لالہ و گل میں بھی اب وہ تازگی ملتی نہیں
جس طرف دیکھو اُدھر خود غرضیاں ہیں آجکل
دوست تو ملتے ہیں سچی دوستی ملتی نہیں
یہ عجب دنیا ہے سب ملتا ہے بے مانگے یہاں
مانگنے پر آدمی کو موت بھی ملتی نہیں
کیا پتا صابرؔ عمل میرا غلط ہے یا صحیح
زاہدوں سے میری طرز بندگی ملتی نہیں
***************** |