* کوئی تہمت لگا دینا کوئی الزام لکھ *
کوئی تہمت لگا دینا کوئی الزام لکھ دینا
سمجھ میں جو تمہیں آئے ہمارے نام لکھ دینا
طلوعِ صبح لکھ دینا غروبِ شام لکھ دینا
ہماری زندگی خلقِ خدا کے نام لکھ دینا
جوابِ دشمنی ہم دشمنی سے دے نہیں سکتے
ہمارے دشمنوں کو پیار کا پیغام لکھ دینا
مبارک آپ کو صبحِ مسرّت کے حسیں لمحے
مری پیشانیٔ ہستی پہ غم کی شام لکھ دینا
اِدھر بھی دیکھ اے ساغر نصیبی بانٹنے والے
ہماری پیا س کے حصیّ میں بھی اک جام لکھ دینا
گلستانِ سخن میں پھول میں نے بھی کھلائے ہیں
سخنور میں بھی ہوں صابرؔ ہے میرا نام لکھ دینا
**************** |