donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
 Share on Facebook
 
Halim Sabir
Index Poetry Page of Halim Sabir
Biography of Halim Sabir
 
Share to Aalmi Urdu Ghar
* میرے دامن میں ہے کہکشانِ غزل *
میرے دامن میں ہے کہکشانِ غزل
مجھ سے تابندہ ہے آسمانِ غزل

ہم نے سینچا ہے خونِ جگر سے اِسے
کیوں نہ شاداب ہو گلستانِ غزل

ہم ہیں واقف تغزّل کے آداب سے
ہم کہیں گے غزل بر زبانِ غزل

کوئی بھی دَور خالی نہیں جائے گا
ہونگے ہر دَور میں قدر دانِ غزل

وہ سمجھتے تھے صنفِ غزل مر گئی
آئے تھے کچھ یہاں نوحہ خوانِ غزل

نام میرا بھی صابرؔ ضرور آئے گا
لکھّی جائے گی جب داستانِ غزل
****
 
Comments


Login

You are Visitor Number : 291