* اے قلم تخئیل کے گوہر اُچھال *
اے قلم تخئیل کے گوہر اُچھال
لفظ و معنی کے نئے پیکر اُچھال
کور چشموں کے لئے بینائی لا
آنکھ والوں کے لئے منظر اُچھال
گھٹ رہا ہے دَم اندھیری رات کا
چاندنی پھیلا مہ و اختر اُچھال
آشنا تو جن فضائوں سے نہیں
اُن فضائوں میں نہ بال و پر اُچھال
ڈگمگا جائیں کہیں کشتی کے پائوں
بیچ دریا میں نہ یوں لنگر اُچھال
اپنا سر محفوظ رکھنا ہے اگر
دوسروں کے سر پہ مت پتھر اُچھال
**** |