جو شخص اچھے بُرے کی تمیز رکھتا ہے
اُسی کو سارا زمانہ عزیز رکھتا ہے

وہ اپنے ہاتھ سے کرتا ہے اپنا سارا کام
کوئی غلام نہ کوئی کنیز رکھتا ہے

برہن گی کبھی اُس کے بدن سے کیوں جھان کے
وہ اپنے تن پہ ردائے تمیز رکھتا ہے

خدا نے جس کو عطا کی شعور کی دولت
وہ اپنے پاس اک انمول چیز رکھتا ہے

جہاں میں آج شکارِ عتاب ہے وہ حسن
جو اپنے رخ پہ نقابِ دبیز رکھتا ہے

یہ ماننا ہی پڑے گا زمانے والوں کو
کہ شعر گوئی کی صابرؔ تمیز رکھتا ہے
****