ابتو کشتی سے ندی پار وہی جائیں گے
ہاتھ میں جن کے ہے پتوار وہی جائیں گے

سب کو مت لے کے چلو جنگ کے میداں کی طرف
جو اٹھا سکتے ہوں تلوار وہی جائیں گے

کون جائے گا بھلا کرب وبلا کی جانب
اہلِ حق بس جو ہیں دو چار وہی جائیں گے

پائوں تھک جائیں تو چل سکتے ہوں جو سر کے بل
جانبِ کوچۂ دلدار وہی جائیں گے

سب کو آواز نہ دو دشت نور دی کے لئے
جن کے سر پر نہ ہو دستار وہی جائیں گے

جائے ایوان سیاست میں بھلا کیوں صابرؔ
جن کے مشکوک ہیں کردار وہی جائیں گے
**************