اِس بات پہ روئے کبھی اُس بات پہ روئے
ہم لوگ سدا گردشِ حالات پہ روئے

جو کر نہ سکے اپنے چراغوں کی حفاظت
وہ لوگ اندھیرے میں سیہ رات پہ روئے

رونا تھا کسانوں کا کہ برسا نہیں بادل
برسی جو گھٹا جم کے تو برسات پہ روئے

یہ رسم ابھی تک ہے مرے گائوں میں قائم
برسوں پہ ملے جب تو ملاقات پہ روئے

گھر میں جو ہمیں مغربی تہذیب نظر آئی
دم توڑتی پرکھوںکی روایات پہ روئے

یاد آئے جو صابرؔ ہمیں بیتے ہوئے لمحے
دنیا کے بدلتے ہوئے حالات پہ روئے
********************