غزل
خود ہےدرکار جواپنی کوئی پہچان الگ
ڈھونڈ ئےاک روش عام سےامکان الگ
ہیں یہ آشفتہ سری کےسروسامان الگ
سل کےکرتےہیں وہ کرتےسےگریبان الگ
جا ہو ایسی کہ گماں ہو کسی ویرانے کا
یہ وہ وحشی ہےجسےچاہئے زندان الگ
ہم نہ کہتےتھےکہ منزل کا نشاں دیتےجاؤ
ہم ہیں حیران یہاں تم بھی پریشان الگ۔۔۔۔
بات اڑجائےگی پرلےکےیہ سوچا بھی نہ تھا
وہ بھی شرمندہ ادھرہم ہیں پریشان الگ۔۔۔۔۔
ہم نشیں ترک تعلّق پہ مصر ہے اب جو۔۔۔
ڈھونڈ لیں ہم بھی نہ کیوں زیست کےسامان الگ
نفس امّارہ نے اکسا یا سدا بہر گناہ۔۔۔۔۔۔۔۔۔
ورغلاتا ہے رضیہ ہمیں شیطان الگ۔۔۔۔۔۔۔۔
رضیہ کاظمی، نیو جرسی