نور حق سے کلی کلی روشن
چپّہ چپّہ گلی گلی روشن۔۔۔۔
کیجےہر گوشۂ دلی روشن
کرکےاک شمع آگہی روشن
جاگزیں نور معرفت نہ ہوا
بن کئےدل کی تیرگی روشن
برق وہ جس نےطورخاک کیا
قلب موسیٰ کو کر گئی روشن
تھا یہ آئینہ حیرتی جو کبھی
اب اسی سےہے بےکلی روشن
مثل بو کب چھپی زمانے سے
ہو گئی کارکرد گی روشن۔۔۔۔۔۔
لےکےممکن ہوچلئےراہوں میں
مشعل صلح وآشتی روشن۔۔۔۔۔
چہرہ اس کا ہےجوں گل خنداں
اور زلفوں سے برہمی روشن
اب نہ آئیں گے جاکےگھرسےترے
صاف رخ سے ہے بےرخی روشن
کیا بھلا نےکی چیز ہے ناصح
اب بھی وہ چشم سرمہ گیں روشن
کس پہ اب تک رضیّہ ہوپا یا۔۔۔۔۔
معنیٔ لفظ زندگی روشن۔۔۔۔۔۔۔۔۔۔
رضیہ کاظمی،نیو جرسی
