غزل طرحی براۓ پچّیسواں عالمی فی البدیہہ طرحی مشاعرہ

      مصرع طرح: ہاں اسے اب منا لیا جاۓ

بار زحمت اٹھالیا جاۓ
کچھ سنیں تو سنالیا جاۓ

بیچ ان برقی قمقموں کے بھی
اک دیا ہی جلا لیا جاۓ

کام ڈر ڈر کےچل نہیں سکتا
بڑھ کے اب مورچہ لیا جاۓ

خواب خرگوش میں پڑے ہیں جو
اب انھیں بھی جگا لیا جاۓ

قیس دیوانہ وار چلّا یا
اب تو محمل کو جا لیا جاۓ

ہیں رہ بے رخی پہ یہ احباب
خود یہی راستہ لیا جاۓ

ہو نہ جاۓ سوا غرور حسن
آئینہ ہی ہٹا لیا جاۓ

ہجر اس کا سہانہیں جاتا
ہاں اسےاب منا لیا جاۓ

اس کو کس دل سے کیجیۓباہر
جس کو از خود بسا لیا جاۓ

ہے رضیّہ جو کثرت ادبار
دل کشادہ بنا لیا جاۓ

رضیہ کاظمی
نیو جرسی_ امریکہ

******************