غزل براۓ تبصرہ

کب کوئ دانا کہاں سنتا ہے نادانوں کی بات
اک دیوانہ ہی سمجھ سکتا ہےدیوانوں کی بات

ہوکے ارزاں حسن جب سے ہوگیا سہل الحصول
عشق کو ہر سعئ لاحاصل ہے افسانوں کی بات

آسکا باہر حصار حور جنّت سے نہ شیخ۰۰۰
گو کہ ردّسحر کو کی میں نےغلمانوں کی بات

شمع خود بھی طالب دل سوزئ پروانہ ہے۰۰۰
یوں ہی وہ رکھتی ہےروشن ہوکےپروانوں کی بات

کی توآسائش مگرپھولوں سےبھی پوچھاکبھی      
 ہوکے گلشن سے علیحدہ تنگ گلدانوں کی بات
دن گۓ جب ڈھونڈ کے لاتے تھےدسترخوان پر
اب کبھی کیاپوچھتاہے کوئ مہمانوں کی بات۰۰
                            
ذکر ہی دیر و حرم کا مت کرو ان سے کبھی                
   مست گرسنتےبھی ہیں توصرف میخانوں کی بات

کس طرح کرتاہےپوراکون اس سے کیا غرض
ہے علیحدہ اپنےاپنے دل کے ارمانوں کی بات

مشورےاکثر ملا کرتے ہیں بن مانگے مگر۰۰۰
راہ چلتے مانیۓ ہر گز نہ انجانوں کی بات۰۰

شعرگوئ بر سر محفل رضیّہ بے دھڑک۰۰۰
کیجیۓایسی کہ رہ جاۓسخندانوں کی بات

رضیہ کاظمی

********************