خاک  سینے میں محبت  نے اڑائ  کیا کیا
زندگی اک  بھلے مانس  کی مٹائ  کیا کیا

آۓ تھےوہ جو تماشے کو مرے خود ان کے
چوٹ سی دل پہ لگی آنکھ بھرآئ  کیا کیا

ہر کہیں دہر  میں  رسواۓ  زمانہ ہیں  ہم
یوں جو ذہنوں میں خرافات سمائ کیا کیا

خوبیاں  وہ  جنھیں  اغیار  سراہیں  اکثر
  ان پہ  ہو اپنوں  کی انگشت نمائ کیا کیا

بے وفا تم تو نہ اوروں کی طرح ہم کو کہو
آج  تک رسم  وفا  تم سے نبھائ  کیا کیا

ہوکے حالات سےمجبور ہراک  سے اس نے
خود بخود اپنی ہی پہچان چھپائ کیا کیا

دیکھ  کر دست  درازئ  ہوس  شا خ  گل
صحن گلشن میں ہر اک سمت لجائ کیاکیا

خوف  ملّا کو خدا کا  نہیں حسب مرضی
پیش کرتا  ہے وہ  احکام  خدائ  کیا کیا

منہدم  ذہن  میں  ہونے کو رضیّہ خود ہی
ہوتے ہیں  قلعے بھی تعمیر  ہوائ  کیا  کیا

رضیہ کاظمی
  نیو جرسی

*********************